“Ете аҙым” марафоны дауам итә

Аҙналыҡтың сираттағы көнө “Башҡорт теле – аҡыл көнө” тип аталып, халыҡ ауыҙ-тел ижадына бағышланды. 5-7 класс уҡыусылары “Иң күп мәҡәл белеүсе” исеменә көрәште. Ә башланғыс кластар башҡорт халҡының балалар уйындары менән танышты. Уларға бигерәк тә “Ҡапҡам асыҡ, кер тиҙерәк!”, “Йөҙөк һалыш”, “Исемеңде әйт”, “Йәшерәм яулыҡ” уйындары оҡшаны. Кескәйҙәр һәр уйында ихлас ҡатнашты. Әкиәттәр уҡыны, “Нимә ул яҡшы? Нимә ул насар?” тигән һорауҙарға яуап эҙләне.

Балалар башҡорт халҡының ауыҙ-тел ижады менән танышып, бик күп мәғлүмәт алды, күңел донъяһын байытты.

Г.М. Саҙретдинова