“Картуф көнө” күңелдәренә хуш килде.

Бишенсе класс уҡыусыларының  көҙгө каникулы бик күңелле һәм файҙалы  үтә. Онлайн форматта республика һәм Рәсәй күләмендәге төрлө сараларҙа актив ҡатнашалар. Шул уҡ ваҡытта төрлө фәндәрҙән индивидуаль шөғөлләнеп, белемдәрен дә байыталар. Класс менән тиҙ генә “Йәншишмә” гәзитенә лә яҙылып ҡуйҙылар. Класташтары араһында уҙғарылған “Батшабикә Көҙ” фотолар конкурсында ла бик теләп ҡатнаштылар. Йәмле миҙгелде тойоп, матур кадрҙарҙа иҫтәлеккә ҡалдырҙылар.

Бигерәк тә “Картуф көнө” күңелдәренә хуш килде. Сөнки әсәйҙәре менән бергәләп аҙна буйы картуфтан төрлө тәмлекәстәр бешерҙеләр, “икенсе икмәк” тураһында интернеттан файҙалы мәғлүмәттәр алдылар, үҙ ара рецепттар менән бүлештеләр. Класта иң әүҙемдәре һәм уңғандары Адиев Илнур менән Камалтдинова Альбина булып сыҡты.

       Класс етәксеһе Саҙретдинова Г.М.